Үҫәргән ырыуы ҡыҙымын. Ейәнсура районының Самаҙы ауылында ғаиләлә 5-се ҡыҙ бала булып донъяға ауаз һалғанмын. Атай-әсәйемдең йылы ҡосағында ҡанат нығыттым. Өлгөргәнлек аттестатын алғас, район гәзите редакцияһында хеҙмәт юлымды башланым. БДУ-ны 1995 йылда тамамлап, бөгөн Туймазы ҡалаһының 6-сы мәктәбендә юғары категориялы башҡорт теле һәм әҙәбиәте уҡытыусыһы булып эшләп йөрөйөм. Башҡортостан Республикаһының Мәғариф алдынғыһы, Республиканың "Иң яҡшы башҡорт теле һәм әҙәбиәте уҡытыусыһы" конкурсы лауреатымын. Педагогик эш стажым - 27, дөйөм - 30 йыл.

Шиғырҙар яҙам, "Сүмесле ай" һәм "Мәрйендәр" исемле йыйынтыҡтар авторымын. "Илһам шишмәләре" Төбәк-ара шиғриәт фестиваленең Гран-прийына лайыҡ булдым. Күңел ынйыларым "Балҡыштар", "Гәлсәр шишмә", "Илһам ҡанаттарында" исемле дөйөм йыйынтыҡтарҙа  ла донъя күрҙе.

  2017 йылдан РФ һәм БР-һы Журналистар Берлеге ағзаһымын. 

  2021 йылда Башҡортостан Башлығы "Хеҙмәт Даны" миҙалы менән бүләкләне. Һәм 2022 йылдан Хеҙмәт ветераны исеменә лайыҡмын. 

2022 йылда "Башҡортостан уҡытыусыһы" журналының лауреатымын.